Submitted by Anonymous (Pesend ne kirin) on 28 July 2009

Peyamner PNA – Ji bo çareserkirina hinek pirs û arêşeyên ku di evan du rojên dawî de çê bûbûn, serokê hukûmeta herêma kurdistanê Nêçîrvan Barzanî serdana nivîsgeha mîrê Komeleya Islamîya Kurdistanê kir.

Serokê Hukûmetê Nêçîrvan Barzanî doh bi evê serdanê rabû û pê re jî sekreterê PB ya PDK Fadil Mîranî, parêzgarê Hewlêrê Newzad Hadî û çend berpirsên din hebûn. Evê şandeya han serdana mîrê Komeleya Islamîya Kurdistanê Elî Bapîr kir.

Di evê dîdara han de behsa bûyera pêr bi şevê hat kirin, ku piştî ragihandina encamên destpêkê yên hilbijartinên herêma kurdistanê û serokê herêma kurdistanê, teqe hat kirin û mala Elî Bapîr û nivîsgeha wî jî kevtin ber gulleyên ewê teqeyê de.

Serokê hukûmeta herêma kurdistanê kongireyeka hevpişk jî bi Elî Bapîr re saz da û tê de daxwaza lêborînê ji Elî Bapîr kir û ragihand, ku dê alîyên peywendîdar bi dijwarî ewan kesan siza bidin, ewên ku bi evan karan rabûne. Serokê hukûmetê got, ku ev karên weha li dijî qanûnê ne.

Peyamner PNA – Serokê hukûmeta herêma kurdistanê Nêçîrvan Barzanî li ser serê şandeyekê, serdana polîtburoya Yekgirtûya Islamîya Kurdistanê kir. Di nava evê şandeyê de ya ku doh bi evê serdanê rabû, sekreterê PB ya PDK Fadil Mîranî, parêzgarê Hewlêrê Newzad Hadî û çend berpirsên din hebûn û sekreterê Yekgirtûya Islamîya Kurdistanê pêşwazîya wan kir. Di evê dîdarê de behsa ewê bûyera pêr bi şevê hat kirin, ku tê de teqe li avayîya polîtburoya Yekgirtûya Islamîya Kurdistanê hat kirin, piştî ku encamên destpêkê yên hilbijartinên herêma kurdistanê hatin ragihandin. Di evê dîdarê de serokê hukûmeta herêma kurdistanê Nêçîrvan Barzanî, daxwaza lêborînê ji Yekgirtûya Islamîya Kurdistanê kir û tekez kir, ku ew dê ewan kesan siza bidin, ewên ku bi evan karên neqanûnî rabûne û bi ser baregehan de girtine.

Şîroveyeke nû binivisêne

About text formats

Plain text

CAPTCHA This question is for testing whether or not you are a human visitor and to prevent automated spam submissions.