TALiYE KIRMANCiYE U TALIYE KENGERi
Kenger zu vaso welate made, gıle Koura roeno je sare kırmanciye. Kasu gerisura jede kunera cımune isoni. Dara kengeri sero çor, yaki phonc pelge ho este, çıturke çeune made 4-5 domane ma bi, her ju je pelgebi mare, rındekiye déneve çe ma. Gıle pelgune kengeré teliyede bari esté, je taliye mao bari. Kenger asma usaria peenede u amnona vırenede reono. Na asmude welate ma benove cennet, koi beneve kewe, Hegay, mergi, bağ u baxçey roz ve roze je veyvıke xemeline, rindekiya welate ma. Çutırke tij ro danave ma u harde ma, thayr u thure ma, dar u bere ma. Heto binra bıjeki bızu dıma, voreki miyu dıma, guki mangu dıma kuneve kayi. Domane maki je pelga kengeri vi, koteneve kay, dewura, koura, warune mara, maa ho dıma.
Waxte waru yeno sar barkeno, kamji koike cıre şire amey, soneve yi koude ware ho sanené ve pé. Hata verva payiji, koura mal gaune ho çhıraynené. Qatığe ho keneve aré, serva rozune zımıstano çetın, zere na cenetide çıturke her çi weşiya ho rameno. Mal u gay cerené zeré na cenetide, sare ma qome maki na koura, na warura kotke kamci vas esto peroine rınd naskeno. Moresıng, Rıwesi, Tırsıke, Parke, belezere, hölige u KENGER keneve top, hore tayine kal, tayinek pozene wene. Ez zeré na cenetide kengeri sero wındon, nıka sıma wendoği vane werte honde vasune gul u çiçegune rındekude, çıra KENGER ?
ÇIRA KENGER ?
"TALİYE MA SARE BINDESTİ SARE BINE BANDIRA U TALİYE KENGERİ SIYOROVE JUBIN COKA"
Sere Hardé Dewreş u bıné Asmené Khéwi de, Kırmanciya made weşiya xo rameno. Kenger ki, bewayiro hard u asmenira qeyir kese xo çino,
je ma Kırmancune bındestu. Çıturke bare weşiya ma avéberdayene gırana, bare weşiya kenger ki bare mara senık niyo. Gıraniya baré ma, roza roştiya mawa..! Hatake dısmenu ke ma guretime bıne bandıra xo, ma guretime bıné desté xo, o waxt taliye ma qat u qat bive şia u gıran, asmené ma kerdve tari, ceneté ma kerdve ceneme. Rındekiya saré ma, rındekiya welate ma, domané mae pir u pak, qalenya pilune ma, kerdeve wele kerdeve bıné hardoke mare dewres bi. Ceneté ma maré kerdve mezela ma, je kengere vere vay, kou ve kou, dewu ve dewu, welat ve welat bimeve palaxa puca deste dısmenuné bébextu, bimeve kengere vere vay.
Ceneté made kenger ma xore kerdené WELENCIR (SAKIZ avlence), ma serva welencire KENGERİ kou ve kou feteliyeneke kenger kokera qırf
kerime, sıte kengeri ya amené wele ser, yaki kemerade phone saneneve bıne sıté kengeri, hard meero. Ora dıma vere germe tijde, huskbiaena vılencir sero vınetene, keyke bive husk kerdeneve top, berdené şütene ora dımaki cüyene. Dısmenuné maki FERMANÉ QIRKERDAYİSE MA,
U AZ UZE MA sero ameyve te are, feke xuyo GILEJGIN, (Salyali) u GIMANRIN DE (Kokan) ma kerdime je velencıre kengeri, roza şia mare arde. Dergus, domani, kokumi, ceni ozovi, xorte ma, ora dıma çıke ceneté made eve ro bi qır kerd, çıturke ma vıle koude kengeri dıma feteliyene u kerdeneve top, dısmené ma ki dewu, kou, waru, esketu de xo eroma pia (izlemek). Eve xaynune (isbirlikciler) zeréma ma kerdime top, jubinra giredayme deru de, kou de, gavanu de, esketu de wes a wes qırkerdime. Cendegé ma tiji vera poay (cürüdü), bewayir bime je kengere vere vay.
Hardé Dewreşi sero mezele mare jede diye, jiar u diyaré ma bine lıngune dısmenuné made mendi.
Munzur oke hometeré stare bi, baramare kher u lal bi, Harcıko ke ustuna stare bi, bara mare kor u bé ro bi. Az uze mao ke qırkerdenera dıma mend, je kengere vere vay welatuné ğerivu de suke u suke, dewe u dewe, tağe u tağe kerdve vıla, her ju leté ma nave caera. Bıra wae, mérde ceniye, khalık torné xo, mae piy u domani jubin nasmekeré azé xo kemi bo, reyna era xo ser meere. Ma hore kerdimeve kole, naki xona dismenuné mare senık amé, DUGELUDE (gurbet eller) ameymeve kıstene, koka xora, roe xora, itiqate xora, zone xora, Kırmanciya xora ma fiştmeve düri. Name ma vurna cüané made ke çıke bi men (yasak ) kerd.
Ma sekerd verva na "MEN" biyane ?
Reu ho vira kérd Ceneté ho, reu ho vira kérd kamiya ho, reu ho vira kérd Zone hu, reu ho vira kérd itiqate ho.
XEZNA (hafiza) ma biyeve kem, xezna ma qirfiye kokera, yaki xezna ma eve vatena u vastene zewina sari biyeve phir. Zone hu ni, Zone sare bin qeseykérd, Zone hu qeseykérdayinera sermayime yaki tersayime. Cenete ho ni, Ceneme sar goyna ma, itiqatiya ho inkar kerdé, itiqatiye sari ramité. Jiar u diyaré ho kokera qirfnay est, Kirmanciya made sene rindekiyeke biye, pero hora herednay BELEKIYA mawa hazar seru, huwe hu Qedené.
Héya bimewe BELEK, BELEKIYA Cenete KIRMANCIYE ni, bimewe BELEKE wayirune CENEMI.
Nika gira gira ginayme vere Belekiya KIRMANCIYA ho sero, xeyle kutmevé herey, serva "BELEKIYA KIRMANCIYA DELALE"
JU QESEDE KIRMANCIYE BI: Hin zononke, zofe tenu nu Qese Pilune hora hesno, wateneke...
HASA GOSEDARURA, HATAKE AQLE PEYE YENOKE AQLE WIREN Ci WUERDO NISTEVE RU..!
Haq o ke, mara herediyo eyravé xere....
Bimanere zare Hastiye u Wesihyede..!
DISTÂR
