MA NETEWE KURD MECBUR NIME WAYIRE GUNA Û XIRAWENA PDK Û PKK BIME
Usonen soresger u welatheskerdox egerke wazene duste qarede xiraw u bira kistenere wejiye. Zu het bine tomete kere ewe hete xirawena binde windere, ewe na rae besenikene duste na xirawende windere.Sebebe na halode xirawoke ma qome Kurd tederime; Hez u Partione Kurdistan wayire politikaya netewe Kurd niye. Alaqawake PKK u KDP ewe dagirkerone Kurdistan'ra pia taye waxt dizda taye waxtki eskara esta ewro biyo sebebe na halode xiraw.
PDK pöro stratejiyo xo cepha musulmane sunni ser wirasta. PKK ke pöre sitratejiye xo cepha musulmane sia ser arda wirastene. Ser na hal ni parti eger biwazeki besenikene bere leye jumin u politkaya netewiya Kurdistan'de pia windere. Cepha sunide dewlete Tirk, Saudi, Katar û Dais amey leye jumin.Cepha sia deki dewlete Iran, Surya, Iraq, Hizibullah û Rus ame leye jumin. PDK meane xo sano dewlete Tirk. PKK u PYD ki meane xo sano dewlete Iran u Surya. Nika serna waziyette besekene na hurd parti serwa qome Kurd karede rind bikere? Ez ima niken dismene netewe Kurd dewlete Tirk, Arap û Faris destur û mümkünaten bidere PKK û KDP serwa serbestiya netewe Kurd u azadbiyena welate Kurdistan xeta welatpereziyede bere leye jümin.
Qamke posta xo sanono dismene millete Kurd besekeno teyna zararede girs bidero dawaye qome Kurd. Teyna ni besekene biwe parce politikane dagikerone Kurdistan. PKK serwa millete Kurd satütü bile niwazena wane Surya demokratik,Tirkya demokratik, Iran û Irako demokratik, dagirker û sistemen fasist cutur bene dewleten demokratik watenake fenomena. Nika hona umude sima estoke PKK serwa netewe Kurd karode rind bikero. PDK ki wana dewlete Tirk u Faris hawal bendemaye stratejike, nu yeno ci mana: ez alaqa u politikaye xo hawal bende xoyi stratejik u dagirkerone Kurdistan ser wirazen.
Eger ewroke na di parti ame duste jümin sebebe ney na politika qiler û xirawa. Wazifa mawa juyemin netewe Kurd bin tesire na partiyone qilerbiyenera PKK û KDP ra bixelesnime. Taye siyasetmedar û partiye bin cae xo ya leye PKK yanki leye KDP'de gureto,ewe na xat û rae sima besenikene duste xirawena na partiyode biwejere. Ewe na strateji û taktik sima teyna bene parce na xirawen.
Dawa millete Kurd û xelesiya Kurdistan biyena PKK û KDP'ra zof wayire qiymet u mühümo. Haqa na partiyo cino netewe Kurd'de kaybikere.Haqa na partiyo cino serwa menfeate dewleten Tirk, Arap û Faris xorte û cene Kurdistan bere kistene. Haqa na partiyo cino ser wastena dagirkerone Kurdistan welatema wiran û qomema perisa bikere.
Ey millete bindest qome Kurd duste na partiyode wejiye. Bira kistene qewul meke û tomete (rexne) bike. Fayde millete xo fayde na partiyone qilerinra berz bize. Mewe zu hete na qarode xiraw, na hurd partiyo mahqum bike.
