[b]Fêstîvala sêzdan ya Helbesta Kurdî qediya[/b] Î roj roja înê 24/10/2008 Fêstîvala Helbesta kurdî li Sûriyê qediya. Cîgehê Fêstîvalê li bajarê Qamîşlo bû. Beşdar ji pirrên bajarê kurdan li Sûriyê amade bibûn, mixabin gelek helbestvanên bi nav û deng ne amade bûn.Lê tevî wilo jî û tevî vê rewşa aborî ya nexweş jî ku bi ser serê miletê me da hatiye,tu dikarî bêjî ku Fêstîval derbas bû. Bi rastî tu pêşketina wilo berçav di warê naveroka helbestê de di vê Fëstîvalê de, ne hate xuyakirin. Gelek helbestvanan helbestên xwey kevn dixwendin û ji bo jiyana zehmetkêşan tu çare, wêneyên tenik ku hêviyê bide guhertinê di helbestan de ne hat xwendin. Paqijkirina kêmasî û dijwariya siyasetmedaran di helbestan de ne hate diyarkirin, rewşeke bêzarî, tengijayî û reşayî li ser beşdaran xuya dibû. Ev di helbestên hin helbestvanan de dida der. [b]Xelatên vistîvalê:[/b] 1- xelatek rûmetiyê wek her car giha helbestvanê kurd Ehmedê Şêx Salih 2- xelatek li ser çaktirîn helbesta nûjen giha helbestvan dildarê aştî 3- xelatek li ser helbesta bi rist û bi şêwyê kevn giha helbestvan û nivîskar Melevanê Resûl. [b]Têbînên ku dihatin gotin li ser Fêstîvalê:[/b] 1-gerek e di çîroka belavkirina xelatan de, devera kûbanê û efrînê li ber çavan bihata girtin û di hejmara beşdarkirina wan de kêmasî hebû. 2-gerek e komîta bi nerxkirin û rexnekirinê her carê ji Fêstîvalê bêye hilbijartin, yan jî berhemên helbestvanan bêye rêkirin ji rexnevanên xwedî tecrûbe re mîna rexnevanê kurd Heyder Umer, Ebdilmecîd Şêxo, Masûm Nisêbînî. 3-gerek e komîta amedekar di warê veguhestina beşdaran de bêhtirî wilo bi erkê xwe rabûba. Di dawî de û tevî van têbînan, em dikarin bêjin spas ji bo Komîta Amedekar û bi hêviya ku Fêtîvala sala bê ji wilo pêşdetir be û hinkî hejmara helbestvanên ku helbestên xwe dixwînin ji wilo kêmtir be,û ast û nirxên helbestan ji wilo bilindtir be û dîsan spas ji bo komîta amedekar! [b]Zana Xanê[/b]