Şarê Bê Perwerde,Teknolojîya Newé ra zî xêr nêveynen
Yew mude verê Estanbol de yew kombîyayiş mîyannetewî verazîya. Na kombîyayiş de pêro profesor û merdim zanayê(Bilim adami) amêbî yewca.ê merdiman zanayo o ca de yew çî eşkera kerd, va ke serra 2005 de însanatê şîfrê genetîka merdim kerd a,”ma o şîfre veyna”.tîya ra pey heme nêveşî verê yenî zonayiş û tedarek nê nêweşî zî yena girewtiş.yew wext ra pey însan pê nêweşî nêmiren,ê ke bimirî zî pê travma û welecex(Kaza) ra mirenî.yew profesor zî o kombîyayiş de va ke des-pancês serran ra pey ,pê na teknolojîya newa emrê însana sewpancas-d sêserr bena derg.
Seba ameyox însanatî yew teknolojîya zaf hewl îcad kerda.welakîn tede yew talike zî esta,eger tikê merdim biwazî seba menfeeta xo ê teknolojî bixebetnî,o wext felaketa gird yena sarê dinya ser.feqet eger hewlbîyayiş însanatê sero bixebetnî na gava inasarên seba însanatê yew qezenca-yew newayîya zaf rinda .
Dinyade teknolojîya newê zaf lez ha ver şina.her roj tewir tewir hacetê newê îcat benî seba xizmeta însana.dinyade pê qompûter(Bilgisayar) û înternet yew demo newe bi a.dewletên Ewropa,Emerîqa,Çîn,Japonya û Hindîstan demo newe de serê nê gurîy ûncen,ina xusis de zaf mesafe zî girewta.ê dewletên bîn zî gorê xo na teknolojîya newê ra zaf hewl fayde veynen.
feqet her çar parçê Kurdistande şarê kird, sey şarê bîn nêşkenî na teknolojî ra yew fayde veyner. Şarê Kird sed hewtay (%70)ra zêde dewe û mazra(Gomê) de cuwîyenî,zaf dewê bê dibistan û mektebê na semed ra qicê Kirdu perwerde nêbenî.wexta merdim Bê wendiş û nuştuşib na dinyade ne xo ra,ne yewna ra faydê ci nêbena. Şarê Kûrdistana başur nê serran peyinande di hebê ûnîversîtê kerd a.seba ameyox şarê Kird yew gava girda,welakîn rojhelat û vakûr na xusis de zaf tepîya mendî.
Serra 1984 ra nata Dewleta Tirk şarê Kird sero gorê 20 serr yew şer o lêyşin û gemar ramit.Dewan de dibistan pêro qefelnay, qicê kirdu nêşkey mekteb biwan,nê qicê ke no 20 serr mîyande bîy(amê dinya) humare înan mîlyon ra zafî, pêro bê perwerde mend.seba yew millet no hal yew felaketa.merdim bê perwerde ra her gureyo xerab û nêbeye yeno na semed ra şaristanan Kûrdistanra heta metropolan Tirkîya çi gureyo nêbeye esto nê qicê winasî ha tedê.Dinya şîfrê genetîka însan veyna,welakîn bi mîlyonan qicê Kirdû rî mektêb nêveyna.qe yew alaqê înan derheq teknolojîya newê ra çinîyo.
şarê Kird şaristanan Kurdistande heta nika dibistanan û mekteban de qompûter sero perwerdebîyayiş nêdî.Ewropa de pêro mektebunid qompûter esta û pê qompûter perwerde benî.keyê her Ewropayicid miheqeq qompûter esta.welakîn tikê Kird dîaspora(tever) na xusis de zî zaf tepîyay.tikê Kird welatde yew deway Kûrdistan de senî cuwîyên,ortê Ewropade zî in away,qe nê bedilîyay.mîyan îmkanan Ewropa de bê kar heyatê xo ramen.
ayê ke qompûter û înternetê înan esta pêroyîn zî sîtê kerd a.sîtê Kirdû zaf rind xemelnayê tewir tewir rism û namê panay. Welakin nuştuş înan de qe yew qal(nuşt)ê aqil,zonayê çinîya,pêro kifir,kîn û nefret nusen. kamyew sîte kerd a, zerey xo tede veng kenî pêro kifşr-neng-nehl çînên yewbîno.îtara zî ma zanî ke estiş teknolojîya newê,qompûter û înternet têna bes nîya.gereka merdim bizanî ke na hacet seba menfeeta xo û milletê xo bixebetnî.
Şarê Kird,eger seba menfeeta şarê xo nê sitêyan internet bi xebetnî ez bawer kena na dinyade çew sey şarê kird bi awantaj nîyo.mîsal sîtê Tirku têna Tirkî û Engilîsî nusen,welakîn sîtê kûrdî, vakûr Kûrmancî,Kirmanckî(Dimlî),Tirkî ,Almankî, sîtê başur Kûrmanci,Soranî,Engilîsî û Erebi , ê Rojhelat Kûrdi û Farsî,ê ke asya a orteyinde Kûrdî,Orisî,Arminkî û ê ziwanan bînan ra nusen,Kirdê Ewropa eşkên heme ziwanan Ewropa ra binus.na pêro zengînêya seba şarê Kird.feqet şarê Kird yew wext pê çuwa(zope),kerra û sîlih yewbînan de şer kerdin,nika zî pê înternet yewbînan de şer kenî.
Ewropa de çand, huner , spor û wendiş sero zaf îmkan estî,seba perwerde bîyayiş qican,eger şarê Kird biwazî eşkenî buroqratûn yew dewlet îta de hedre bikerî.welakîn zaf kêm yew xeyle Kirdû nê îmkano seba amêyox qican xo û welatê xo hedre keni.no tewir zî Kird tim teknolojî ra pey de manenî. Profesor û merdim zanayê şarê xerîb nikay pê teknolojîya newê însan verazen,yew medenîyet o newe kenî a. Şarê Kird zî gereka yew demo kilm de bi elîmo na teknolojî û seba hewlêya milletê xo bi xebetnî.wa herkes rind bizano ke no awa Kird cayk nêresên.
