0 Di çend rojên bihurî de li Tirkiyeyê kenala TRT6-ê ya bi zimanê kurdî hate vekirin.Di vê derbarê de rewşenbîr û siyasetmedarên kurd wê pêngava hikûmeta Tirkiyeyê ji bo naskirina pirsgirêka kurdî di wî welatî de wek destpêkek binav dikin.Herweha li gor wan, vekirina wê kenalê ji bo vekirina kenalên din ên ragihandinê û hewlên çareserkirina pirsgirêka kurdî di wî welatî de deriyek e. Rêvebirê giştî yê Dîwana Wezareta Kulturê ya Herêma Kurdistanê Şakir Rojbeyanî li ser vê mijarê ji PUKmedia-yê re got:“Vekirina wê kenalê ji bo dayîna mafên kulturî yên gelê kurd di wî welatî de, piştre jî vekirina beşa kurdî di zanîngehên Enqere û Stenbolê ku biryar e di demên dahatû de bên vekirin, ji bo kurdên Tirkiyeyê pêngavên baş in.Qet nebe jî milletê kurd di wî welatî de fêrî kurdî dibin û guh li kenala xwe digirin.“ Rojbeyanî diyar kir, li Tirkiyeyê rabuhuriya vekirina kenala kurdî heye û got: “Li Tirkiyeyê 12-15 mîlyon kurd hene. Herweha milletê kurd xebat û qurbaniyên pir dane. Digel wê yekê jî Tirkiye hewl dide, ku biçe nav Yekîtiya Ewropayê ku yekek ji mercên wê ew e ku mafê mirovan neyên binpêkirin, bi taybet jî li hemberî gelê kurd. Pêngavên bi wî şêweyî yên ji aliyê hikûmeta Tirkiyeyê ve, li hemberî doza kurdî destpêka guhartinê ye. Hemû aliyek jî dixwaze ku pirsgirêka kurdî di wî welatî de bi şêweyekî aştiyane bê çareserkirin.“ Di derbarê naveroka bernameyê wê kenalê de jî, Şakir Rojbeyanî da zanîn, Tirkiye dixwaze bernameyên siyasî tê de nebin, zêdetir kulturî bibin, da kultura kurdên wî welatî bên zindîkirin. Rojbeyanî amaje bi wê yekê jî kir, ew pêngav destpêkeke ku Tirkiye mafê kurd û zimanê kurdî qebûl bike û ji cîhanê re dibêje ku kurd di wî welatî de hene, ku pêştir hebûna kurd qebûl nedikir. Rojbeyanî diyar kir, vekirina TRT6-ê ji boTirkiyeyê û çareserkirina pirsgirêka kurdî bi sûd e û got:“ Em vekirina TRT6-ê û pêngavên din ên ji bo çareserkirina pirsgirêka kurdî baş dizanin û bi ya me ew di berjiwendiya hikûmeta Tirkiyeyê de ne.Çimkî ev yekem car e di dîroka dewleta Tirkiyeyê de bi şêweyekî fermî ji bilî zimanê tirkî zimanekî din hate qebûlkirin.Li gor hizirîna wan û felsefeya dewleta Tirkiyeyê ya yek dewlet û yek netewe pêngaveke girîng e.Lê vekirina kenalekî weha guhartina wê felsefe û siyaseta fermî ya dewleta Tirkiyeyê ye, ku ev 80 salin înkara ziman û kultura kurdî dikir.“ Parlamenterê kurd ê ser bi Lîsteya Keskê Arêz Ebdula jî diyar kir, piştî ku li gor rapirsiyan di parêzgehên kurdan de alîgirên AKP-ê kêm bûne û ew pêngav dê di dema hilbijartina şaredariyên Tirkiyeyê de ku dê di meha 3-yê ya dahatû de bê kirin, bala hemû kurdan bikşîne. Ebdula got:“ Vekirina kenalekî kurdî li Tirkiyeyê şikandina qeşayan bû ku lê diviya bû pir pêştir şikestiba.Lê ew nayê wê wateyê ku bi vekirina wê kenalê re pirsgirêka kurdî hatiye çareserkirin.Çimkî piştî pêngavên weha divê pêngavên din jî bên avêtin.Pêngava girîng jî çareserkirina pirsgirêk û berberiyên siyasî yên li Tirkiyeyê ye.Herweha divê digel wê pêngavê wê yekê jî bizanin ku bi tank, top, girtin, kuştin û gefan pirsgirêk nayên çareserkirin.Lewre en pêngav divê arasteya çareserkirina pirsgirêkên gelê kurd bibe, ew karekî baş e.Lê eger tenê bo xeletandinê bibe, ew dê sernekeve.Çawa ku hikûmeta Beasê li Iraqê kenalekî kurdî bi rojname, radyo û televîzyon vekiribû, lê di xizmeta çareserkirina pirsgirêka gelê me de nebû.Bi berovajiya wan hemû mafên xelkê me hatibûn zewtkirin.“ Ebdulla got:“Eger ew kenala arasteya ku me qala wê kir, serbikeve dê karekî berovajiya hizirîna bihurî ya Tirkiyeyê û qebûlkirina mafên gelê kurd bibe.Herweha dê digel xelkê Tirkiyeyê pirsekê çê bike, ew jî ew e ku ’çima heta niha Tirkiye pêngav ji bo mafên gelê kurd navêtin, zimanê kurdî qebûl nedikir.'Niha jî kenala televîzyonê ya kurdî vedike ku wate mafên din jî rewa ne û pêwîst e pêngavên din jî bên avêtin.“ Li gor Arêz Ebdulla eger Tirkiye pirsgirêka kurdî çareser bike, li gor dewletên derdorê demokrattir e, lê heta ku Tirkiye pirsgirêka kurdî çareser neke, nikare bêje ku ’ez dewletekî demokrat im û parêzgariya mafê mirovan dikim'.