SEROKÊ HERÊMA KURDISTANÊ BI BONEYA KOÇBARBÛNA CEWHER NAMIQ PEYAM
PNA - Serokê herêma Kurdistanê Mesûd Barzanî bi boneya koça dawîyê ya kesatîyê xebatkar û pêşmergeyê kevnar Cewher Namiq Salim ê ku yekemîn serokê parliyamenta herêma Kurdistanê jî bû, peyameka serxweşîyê pêşkêş kir.
Ev jî naveroka peyama serokê herêma Kurdistanê ye:
Bi navê xwedayê mezin û dilovan
Mixabin evroj nûçeya koça dawîyê ya birayekî ezîz, dilovan, xebatkar û pêşmergeyê kevnar û navdarê gelê me, rêzdar kek Cewher Namiq gihijt min û ji nav dil ve ez hejandim.
Kek Cewher hevalekî xebatkar bû, em herdem bi hevdu re bira bûn, yek senger em bi hevdu re kom dikirin. Ew di nav karên partayetîyê û pêşmergatîyê de û di karên din ên derveyî ewan karan de herdem li nik min û hevalên xwe cihê rêzgirtinê bû.
Rolê kek Cewher Namiq ê dema serkirdatîya berdemî ti caran ji bîr naçe, ew mêr û xebatkarê rojên sext û dijwar bû û ji ber ewê çendê jî ji destdana wî ne tenê ji bo min, belku ji bo hemû gelê me ziyaneka mezin e.
Ez bi ewê boneya xemgîn serxweşîyê li xwe û malbata wî ya rêzdar û hemû hevalên xebatkarên wî têkoşerê mezin dikim û ez ji xweda daxwaz dikim, ku bêhnfirehîyê bide me û gîyanê xweda jê razî jî bi beheşta ferah şad bike.
Îna Lîlah û Îna Îleyhî Rac`ûn
Serokê herêma Kurdistanê
Mesûd Barzanî
22/03/2011
