Girîna Kurdî - Lokman Polat - Weşanên Helwest
Edebiyat qalkirin û ravekirina însan e.
Di berhemên edebî de behsa însanan, jiyan, serborî û serpêhatiyên wan
û herweha têkiliyên wan ên bi civakê re bi şêweyeke edebî tê ravekirin.
Min jî di vê pirtûkê de vî tiştî kir.
Kurtenovelên di vê pirtûkê de ne, neweke çîrokên gelêrî yên kurdan e.
Weke “masal“ a tirkan jî nîn in. Ev kurtenovel novelên nûjen – modern
- yên ku li ewropayê jî jê re dibêjine novel. Bi kurdî jî mirov dikare ji yên
kin re bibêje kurtenovel û ji yên dirêj re jî bibêje novel.
Di van novelên nûjen de dîmenek ji rewşa sosyal û civaka kurdan tê
pêşkêşkirin. Hinek hêlên realîteya civaka kurd bi şêweyeke edebî hatiye
ravekirin.
Girîna kurdî û novelên ku di pirtûka “Girîna Kurdî“ de ne, bixwînin û
bila dilê we bi halê kurdên koçber bişewite. Rewşa kurdên bakur, feqîrî
û belengaziya gundiyên kurd ên reben, zahmetiya kurdên koçber û zilm
û zordariya dewleta dagirker ji bîr nekin.
Ji bo azadiya gel û rizgariya welat çi pêwîst be divê kurd wê bikin. Divê
edebiyata kurdî jî bibe haceteke ragihandinê û parastina ziman, çand û
edebiyata netewa kurd û di xizmeta wê dozê de be.
Lokman Polat
