Hunermendê Kurd Şivan Perwer dê mazuvanîya konsera sersalê ya taybetî li ser televîzyona Kurd1ê bike. Perwer, roja duşemê (29.12.2008) bi konferenseke rojnamevanîyê, spekulasyonên derheqê çûna xwe ya ji bo televîzyona dewleta Tirkîyê de red kirin. Şivan Perwer, ku berpirsiyarê hunerî yê televîzyona serbixwe Kurd1ê ye, li bajarê Kolnê ji komeke mezin a rojnamevanan re dubare kir ku xeta wî “çîzgîyeke Kurdistanî ye.“

"PIŞTEVANIYA Ê BIKIN“

Parîs, duşem, 29.12.2008
JI BO RAGIHANDINÊ

ŞIVAN PERWER ADRESA XWE DA KURDAN

Hunermendê Kurd Şivan Perwer dê mazuvanîya konsera sersalê ya taybetî li ser televîzyona Kurd1ê bike.

Perwer, roja duşemê (29.12.2008) bi konferenseke rojnamevanîyê, spekulasyonên derheqê çûna xwe ya ji bo televîzyona dewleta Tirkîyê de red kirin.

Şivan Perwer, ku berpirsiyarê hunerî yê televîzyona serbixwe Kurd1ê ye, li bajarê Kolnê ji komeke mezin a rojnamevanan re dubare kir ku xeta wî “çîzgîyeke Kurdistanî ye.“

Perwer got ku ew naçe cihêkî ku nikaribe strana xwe ya navdar “Kîne Em“ê lê bibêje. Şivan Perwer got Kurd1 kanaleke pir bedew û profesyonel e.

Karbidestên kanalê ragehand ku Perwer dê yêkem car bi sohbeteke sersalê li ser Kurd1ê, bersiva pirsyarên li ser gelek mijaran bide û bistirê.

Serokê Kurd1ê Kendal Nezan, dê wê şevê li ser pîlan û programên televîzyona seranser bi kurdî bipeyive.

Jimareke stêrên muzîka kurdî jî, dê di konsera sersalê ya Kurd1ê de bibin mêvanên Perwer.

Kurd1 dê di destpêka bernameya taybetî de filmekî amerîkî yekemîn car bi kurdî pêşkêş bike. Filmê “Li Malê Bi Tenê“ (Home Alone) dê êvara çarşemê (31.12.2008) saet di 19.00yê de (dema Diyarbekirê) dest pê bike. Şevbêrk dê nêzîkî şeş saetan bidome.

Televîzyona satelîte Kurd1(Hotbird 13 E, 12245 H 27500) niha weşana testê dike. Ew ê bi pirranî li ser ziman, çand, hunera kurdî bernameyan belav bike. Ew ê her wesa fîlmên bi nav û deng ên dunyayê bi kurdî pêşkêş bike.

Bingeha Kurd1ê li Parîsê ye.

www.kurd1.com

Hotbird 13E 12245 H 27500