PUKmedia/2008-09-25/17:09:28 Serokê Dîwana Serokatiya Herêma Kurdistanê Fuad Hisên di heqê pesendkirina qanûna hilbijartinên civatên parêgehên Iraqê de ragihand ku roja pesendkirina vê qanûnê, ji bo hemû pêkhateyên Iraqê rojeke dîrokî ye. Hisên got:“ Hevpeymaniya Kurdistanê û serkirdayetiya siyasî ya Kurdistanê careke din îspat kirin ku neteweya kurd li Iraqê hewl didin ku prosesa siyasî ya Iraqê pêş ve biçe.“ Hisên amaje bi wê çendê kir ku serokê herêma Kurdistanê û serkirdayetiya siyasî ya Kurdistanê ji nêz ve kitekitên gotûbêjên di navbera aliyên nav parlamentoya Iraqê de yên li ser qanûna hilbijartinên parêzgehan taqîb kirine.çavkanî:Rojnameya Xebat