Bîra Metin, Bîra Kémal, Wengdaisê sîma, Vatena sîma rasta. Delal a.Pak a. Zolal a. Dina ma de, rast ve çewt’tê lewe de’re. Jî we adîr û ué, jî roşt û tarî, jî welat û bê welaténî, aqîl û xeğeni, jî azad û koleti, Dersîm kî henio, pêrodais o rûtrupal o. Her çi’ra bê wuair mendena. Dilaketika Dersim,jî weşi û merdena. Rindi û xîravîn a. Perodais û zoniu ser mendena. Hu ver estena. Sîma mordemune mîlqî kerdu’ra, irfan wuazene. Dîzdu’ra tîrteni pers kene. Goneweru’ra raştié wuazene. Nu irfane sima wo. Mordemi kote tenge, ji awresu darune qawaxu koçene. Tij’ra, Tija ho’ra tersene. Roşt’ra vozdane. Tari berdo kerdo bara hu. Mîlqî yine bio, bastûna deşti.. Zûr bio pêsaré hermi. Muğurvo. Tario, zîlomotika. Vatena sîma sero qêsa mî çîn a. Sîma rînd zonene, verg bîze weno. Morr dano mordemi’de,ao khe azna nê zône kuno çem, xenekino. Jean Paul sartre kutku’ra zof haskerdene, vano, mî hondeke mordemeki naskerdi, mî honde kutku’ra haskerd. Hema taé Kutikê vere çeveri seveta lopi lawene, lûké, gérine, aspîzîne, oncia meimani yene sone çewu. Vatena sîma, tirkia, çîna’re eve zone dakîla ma nia? Sîma wess lawkû vané, beno khe sîma zône zof rîndek bî zône, bî nusné? Çîna’re tirkî nûsnene bîra? Na merdena zône ma nia, çik a? Ek he henio, Politika UNESCO, zône ma nê xelesnena. Prensibe bingéyé UNESCO, kîstena zône ma wa. Zone ma sero niadene (www.pen-kurd.org, ingilizi, fransizi,kîrmançki) Bava khe kotivi tewt hewnu vineno. Nîka pers kerime,Kérameta tewti çik a? Mî jovina nuste hode perskerdi vi çina’re “Bava Hémédé Vîroze Dewresi khe kotene adîr, adîr eve fêkê hu saine né we” eve zone am cereen Jarr û Darruma ver. Adîr jargen o,sîrre estena dina wa kerramete dôté adîria. Adîria dota. Misaise dina dôtia(dina metafizika). Ehke henio, Tewt ‘ra hewn çi mîsneno’ra ma? Zonais, tewt’ra zonais o. Eve raa Haqqî veng daéena sene zonaéné peida bena?, Sene misnaene? Bava Hémédé Vîroze Dewresi çi di vi? çî vat vi? Tewt te çi da wendene? Çûtîr beno Bava Hémédé Vîroze Dewresi qedere ma zôneno, wuaneno? Hesnéno? Eve vatena Bava Hémédé Vîroze Dewresi pê guretene, ra verdene, mîsaéné, mîsnaéne, mîsais, mîsnaisê ma çik o? Kamij methode rameme? Ma kata beno? Çinare Bava Hémédé Vîroze Dewresi eve zone am veng dane’ra Haqqi? Qedere ma nio, pêrodais o. Sarê ronais nio, hu ver estena. Qeso gîrso. Culxa zordari tîm erjia kelpê fêkhe gonin, laze colegio,hêgao oyî nê dio, torze gureto dara mûrié sîngîr keno. Bomo şao, eve aqîlo sipe fetelino. Firdewsî, Maxmude Gaznewîra vatif “ her kes Haqira terseno tu çinare helbeste mîra tersena?” Sadio neçar guret berd Fas’de kerd eskher. Hesir mend,roşia. Zu cuhudî herina ars Şam’de azad kerde. Sadi zotth dai ve dewleta Osmané tirk’ro, “ tirko, tu werlate m^kelepur kerd, çutur khe asiqune dizdu sinié’ra nu tîrt berd. Tu welate m^talan kerd qedena. tu a dina ca nê vine khe nime bî kerene.” Qesa kîlme, Avrançi, arée ué de guréno. Gavaré ué khe bîrna, Arée bé ué nê guréno. Cao khe arée çin o, dîstari esta. Eve dîstari, hev rînd hûrdî nê beno. No tirki, taé vatisê Avarnçi. ano’ra mî viri. Avrançi, tirkio sipe rînd zoneno, hema lîmenia tirki’ra ki, zone ma, vind nê beno, nê mîreno. Ma mîreme zone ma maneno. Aşira Demenu, Aşira Heideru’ra vatene.” Heidero herro, baré hu kemero, werde hu sîmero, ewike hu çeqero” Wess û wuar bî mane, jêdé, jêdé lawku Eve venge sîma zone hu hu vira nê keme. Paris, 27-06-2009 [email protected] Dr Ali KILIC, Demen Rowar