NEWROZ EVÎNA KURDISTANÊ YE

NEWROZ EVÎNA KURDISTANÊ YE

Newroz cejna evîndarên Kurdistanê ye; dilketîyên Newrozê dilketîyên Kurdistanê ne; evîndarên Newrozê bêyî Kurdistan dinyayekê qebûl nakin.
Newroz cejna wan Kurdan e ku Kurdistana niştimanê xwe di tu rewşan de bêxwedî nahêlin.
Newroz cejna wan kesan e ku bêyî Kurdistan jiyanekê nafikirin.
Newroz ne aşitî ye; Newroz têkoşîn, evîna serxwebûnê, tîbûna azadîyê ye.
Newroz serhildan li dijî zilmê, raperîn li dijî zaliman e.
Newroz hebûna Kurdan, hebûna Kurdan çikandina agirê azadî û serxwebûnê li serê zilmê ye.
Newroz Kurdistan e.
Newroz cejna wan kesan e ku, dibêjin bêyî Kürdistan Newroz, bêyî Newroz Kurdistan nabe.
Newroz qîrîna serhildana fetisandina dengê Kemalîzmê, hêrsa zarokên Kurdistanê, pêvekirina taca serxwebûnê li serê Kurdistanê, serberjêrkirina xiyanetê, bi kesk û sor û zer xemilandina Kurdistanê ye.
Bila newroz evîna azadî û serxwebûnê bi êgir xwedî bike.
Bila newroz bi agirên di dil de heta bi heta vêketî pîroz be.

AGIR LI NEWROZÊ, NEWROZ LI KURDISTANÊ, KURDISTAN LI KURDISTANÎYAN PÎROZ BE.

Rojan