Tayyib zî sey ê bînan di rî vejîya

  Yew xeberê verînan ma esta vanî “Homa çew şaş nêkir,la eger şaş kerd wa erd ra kaş nêkir“. Welakin serek wezîranî Tirkîya hê verê şaş benî cuwapey zî erd ra kaş benî. Heta ewro dinya de serekwezîranî çew welatî no qîde xo qeşmer nêkerdib. Nê serranî peyinan de kam serekwezîrî Tirkîya şî Dîyarbekir va meselay Kirdû esta û agêra Enqere vanî aye ke ha zerî sinoranî Tirkîya de cûwîyen pêro Tirk î. Heta nika pêroyina serekwezîran no qêde dewûm kerd. Ma va qey Tayyib tikêna înan ra cesur,welakîn o hemin ra zêde di rî vecîya û xo qeşmerkerd. Tayyib bi serra hîrin ha serek vezîreya Tirkîya keno,heta nika ê fekiro nêhamê ke vaco Tirkîya de meselay Kirdû esta. Ê tim û tim înkar kerd,va eger çew mijûl nêbo(nêfikiro) meselay Kirdû çinîka.Yew mude cûwaverTayyib zî şi Dîyarbekir va Tirkîya de yew meselay Kirdû esta. Dewlet heta nika yew şaşitî, yew qebehet kerda. Na mesela ma pêroyina,hê verî meselay mina, ma na mesela miyan demokratî û yewina dewleta Tirkîya de sey meseleyanî bînan halkenî- çareser kenî. Nê qelkerdiş sero tikê roşnvîr û sîyasetkaran şarî Kird xo pîzekî eyşt nê vatişanî Tayyib ser,înan va Tayyib ha meselay Kirdû çareser keno,wa herkes veng xo cêybirnî goştarîya Tayyib bikerî.Tikey lexerî binî percînan ra warîst, sarê xo berzkerd û goş xo kaşkerd cemeat va ma zî muhatabî. Heta tikeyin vaten muhatab lazim niyo wekil şarî Kird zî Tayyib. Cûwapey ame Enqere va Tirkîya yew dewlet,yew millet û yew beyreq a. Her kes gereka înan qebûl bikerî û cûwapey ma pê demokratî û ekonomî na muşkilîy orte ra wedarenî. Yew demo derg veng tira nêvecîya qe yew gav nîeyşt.Wexta şarî Şemzîna dewleta xorî-nimita suc ser tepîşt. Şarî Şemzîna,Gewer û Çolêmerg sere da wera, heyriş kerd keyeyanî memuran, îdarekerdoxan û dayreyanî dewleta Tirk ser ,peyroyin keyê xo veng kerdibî.Yew mude şarî idarê nê şaristanan girewtbi xo dest. Senî ke Valî bi fekî xo îtîraf kerd va yew hukmî ma nê însanan sero çinîyo.Pêro pê vatê îdarekerdoxanî xo têgeyrenî(hereket kenî).  Tayyib vazda si o mintiqe va no welat de Kird,Laz,Çerkez,Gûrcî,Abhaz û ey bîn pêro kamîyî binînî. Her kes wa pê kamîya xo xo biderî şinasnayiş.Welakîn kamîya serîn înan pêro hemwelatî Komara Tirkîya yî. Tayyib uca de zî va ma meselay Kirdû çareser kenî, sucdaran ceza kenî, mekteban û rayiranî şima verazenî. O ageyra Enqere ey vetiş xo heme xo virkerd, va yew millet,yew dewlet, yew beyreq û ma pêro Tirkî. Cûwapey şi Awustralîa va din çimento,ma meselay Kirdû pê din çareser kenî. Bi raştî derdê Tayyib yewna çiyo o ge ge mesaja xo dano dewletanî Ewropa,vano ma meselay Kamîya etnikî mîyan Kamîya binîn û serîn de qebul kenî ,ge ge mesaj dano nîjadperestanî Tirkya vanû ma yew beyraq,yew millet û dewleta çew nîşkenî ma parçê bikerî û ge ge mesaj dano şarê Kird vanû ma dewlet kenî Komara demokratîk û wa her kes pê kamîya xo sey xo bicûwî. Yani o wazen pêroyin pîya îdare bikero. Tayyib ha yew polîtîkaya zaf talike û tenik rameno. O wazeno ne şiş veşa ne zî kebab û yew demo derg îxtîdarê xo no qîde biram.Welakîn nêzon ke mesela Kird meselaya seserraya, qerta, kevnara pê polîtîkaya tenik tewa nêbena. Eger merdim vaco ez na mesela rî yew çare veynen, gereka nîters, qerarûn radîqalû bigero,heta gereka merg xo,xo çiman ver bigero. Na mesela nêce Hukmat şey ra,nêce partî û serekwezîr vist bin baraj,serê nêce merdimo werd. Feqet Tayyib xo atatürk û şarî kird zî şarî hêştay serro verîn veynen, o vanû qê pey dek ,dolav û xapeynayiş ez şarî Kird xercelnen. Welakin ne o atatürk ne zî şarê Kird şarî heştay serro verîn û ne zî din cîmento. O wazeno ke pê tikê Kirdû yewna heyştay serr emrî na dîktatorê derg biker. Feqet na xebata bêfeydeya, pê na polîtîkaya di rî nêşkenî emrî na dîktatorê derg bikerî.  Hetê ra vanû ma biray yewbînanî ez mesela Kird ra miyan demokratide çare veynen. Hetê bîn ra seba qedexe kerdiş Televîzyona şarî Kird welatan Ewropa tehdît keno. Federasyona Kurdistana Başur nêşinasneno,tehdit keno. Lîder û îdarekerdoxanî şarî Kird ra heqeret keno. Hetê bîn ra hukmatê Irak û Emerîka de seba teslîmkerdiş îdarekerdoxan HPG û Kongra Gel sero bazar verazeno. Dewleta Tirk yew mude verî va ma bî medenî,na semedra tikê qanun îşkencî û ceza wedartib no demo peyin de hêna pêro pêser ard orte. Tayyip vanû ma na mesela terorîstande munaqeşe nêkenî.Şarî Kird wa verba Kongra gel vinder,heme kes wa înan red biker.Siyasetkerdox û roşnvîr Kırd wa alaqeder xo înan ra birnî,o wext ma meselay Kirdû çareser kenî. Na polîtîkaya di rî ya, Tayib zî zaf hewl zanû ke çek û sîlih kamî destdi bî muhatab zî aye, vate,qiwet,însîyatîf ha înan dest de. Welakîn senî mi va Tayyib polîtîkaya tenik ramneno derdê înan Kirdû xo bi xo tîvîyer bikerî. Feqet na pîlana inasarîn hetê sîyasetkerdoxan Kırdû ra gereka zaf hewl bîyra fehm kerdiş. Kamî sîyasetkerdoxî şarî Kird dewleta Tirk ra merhemet bipawî xo û milletê xo pîya helak(perişan) kenî. Kam ke bawer nêkeno wa bonî tarîx şarî Ûrim û Arminî ra.