SERA NEWìYE

Se ke zê vızêri bi……Hama hama ke ju sere derbez bena….Roji, hefti, asmi, seri,kılmek,waxt zaf rew derbaz beno.Ju sere, emrê mordemi de hem kılm a, hem derg a.Na kılm u dergiye, gorê karê mordemi u gorê biyeran a.Tayê biyeri estê ke, ha haxırab, ha wes, mordem xo vira nêkeno.Kewranê mordemiye raya xo de  dewam keno,kutikê kewrani laweno.Dınya biya nêbiya,na rastiye ebe dınya esta.Zaf biyeri ma di,zaf çi  kewt emrê ma…..Roje ama , ma nêrestime meyitanê nasan u dostanê xo .Zaf dolıman ma nêşıkiyayi me nêweşanê xo ra diyari bı me.Roje ama, ma nêşıkiyayi me ebe mırdiya zere xo bıhu me, bıberbı me.Roje ama, ma kewti me helina xem u xiyalan, a ca de ebe gızgêleka zerê xo,bêvengiya xo ruşno azmên.Rayanê duri de, xeribiya bêbıne de,çimê ma ju nas u dosti ra gêro,germiya ju sılami ra hesret mendi me.Roja ama, mabênê sıxletiya şukan de, ju dest ma ra derg biyo,qaytkerdena ma kewtê têmiyan, zerê ma de têyrê mızgini gılanê usari de wendê, ma huyayi me.Se ke zê vızêri bi her çi.....Se ke zê vızêri  bi ê kıtabê ke mı wend bi.Welatê ke ez gêra, şukê ke mı tayê nas u dostanê xo di,çiyê ke mı be zeriya xo nusnê, kar u gurê ke kerdê.....Kıtabê mı, arasiyene mı, araqê mı, kêf u xemê mı.....Qesikerdena mı, gosdariya mı, famkerdene u famnêkerdena mı ,zuyatiye, hitiye, hışkiye, nermiye,...Karê ke qediyê gorê xo cayê xo gırotê.Karê ke nême de mendê, gos nêdanê xart u seran.Se ke  ez u hesrete ma kewti me kay.Ya hesrete kuna ser mi qedênena, ya ez kuna ser, hesrete qedênena....Hata ke no helm mı de bo, hesrete pê mi nêşıkina.Zanayê de Yunani vat bi ke`; HATA KE EZ BI Bì, MERDENA MI RA ÇìNA, MERDENE KE AMÉ EZ ÇìNA” Na dınya de,ez be xo, her tım xo dêndar zen kena.Heya ez dêndar a.Dêndarê dawa serbestiya welat u şarê ma wa, dêndarê zon u kamiya ma wa, , dêndarê xo wa.Eh, keso ke  niya  baro gıran anceno, keso ke xo handay dêndar zen keno, bê  şık, zaneno ke rastê zaf astengan beno. Kıfıran weno ,heqeret vêneno,zerê xo yêno şıknayene, rastê zaf çiyan beno.No “karê domaman” niyo ke, se bıkı  me?Se ke zê vızêri bi, mı “sarê xo berz kerd ke”serê de bine na wo qedino......Oxur bo sera 2006...Tı  be xêr bêrê sera 2007...Na sera newiye de, karê şıma ra serkewtene, sata şıma ra weşiye wazena...Ilhami Sertkaya