ICG: Bila vegerîna Kerkûkê bo ser Herêmê 10 salan bê taloqkirin

 Gruba Krîzê ya Navdewletî di raporekê de daxwaz ji Herêma Kurdistanê kir ku vegerîna Kerkûkê bo ser Herêma Kurdistanê heta 10 salên din taloq bike û di hember de jî  Bexda sînorê Herêma Kurdistanê destnîşan bike û mafên veberhênana petrolê bide Herêma Kurdistanê.Gruba Krîzê ya Navdewletî ( International Crisis Group- ICG) ku navenda wê li Brukselê ye, di raporeke xwe ya bi navê ‘Petrol li hemberî Axê: Ber bi bazarkirineke mezin li ser Iraq û kurdan’ de, hişyariya wê yekê da ku pirsgirêkên navbera Iraq û Herêma Kurdistanê ên li ser navçeyên biarîşe zêde bûne û dibe ku ew yek wan bîne hemberî hev du. Gruba Krîzê ya Navdewletî di rapora xwe de diyar kir, bo ku hemû pirsgirêkên warên dahata petrol, federalî û destûrî bên çareserkirin, divê Iraq û Herêma Kurdistanê bigihin rêketineke hevbeş. Li gor raporê, zêdebûna nakokiyên navbera Hewlêr û Bexdayê, dê hemû destkeftên Iraqê bixe metirsiyê.Di raporê de daxwaz ji Herêma Kurdistanê hate kirin ku vegerîna Kerkûkê bo ser Herêma Kurdistanê heta 10 salên din taloq bike û di hember de jî  Bexda sînorê Herêma Kurdistanê destnîşan bike û mafên veberhênana petrolê bide Herêma Kurdistanê.Pukmedia