Peyamner PNA - Evroj cihgirê serokê Amerîka Josef Biden di peywendîyeka telefonî de pîrozbayî li serokê herêma Kurdistanê Mesûd Barzanî kir, ji ber ku wî di hilbijartinên 25 evê mehê de serkevtin bi dest ve anî. Herweha Josef Biden pîrozbayîya serkevtina evê prosesê jî li serokê herêma Kurdistanê kir...

Di beşekî dinê evê peywendîya telefonî de, Josef Biden kombûna dawîyê ya navbera serokê herêma Kurdistanê Mesûd Barzanî û wezîrê berevanîya Amerîka Robert Gates da nîşandan û kombûna han jî bilind nirxand û sipasîya serokê herêmê jî kir, ku wî biryar daye ku dê carek din diyalog di navbera Hewlêrê û Baxdadê de dest pê bibe.

Josef Biden ji serokê herêma Kurdistanê re ragihand, ku we da xuyakirin ku hun herwek çewa berê cengawerekî mezin û bi qedir bûn û niha jî siyasetmedarekî mezin û bi qedir in.

Serokê herêma Kurdistanê jî supasîya Josef Biden kir ji bo evê peywendîya telefonî û prosesa hilbijartinên Kurdistanê jî bi serkevtineka mezina herêma Kurdistanê û Iraqê bi giştî wesif kir.

Di dawîya evê peywendîya telefonî de, cihgirê serokê Amerîka Josef Biden piştevanîya xwe û serokê Amerîka Barak Obama ji serokê herêma Kurdistanê Mesûd Barzanî re da nîşandan û hêvîya serkevtinê jî jê re xwest.